سبتمبر
04
دبي
دوّنه: عبدالله السالم
التصنيف : أسفار ورحلات, صفحات مطوية 1,351 قراءة
الآن أنا في بهو الفندق ، فندق دوست في دبي ، وهو فندق حي .
يرتاده العديد العديد من الـ شسمه بأزياء تمويهية مختلفة ، خصوصا العبايات .
معي صديق من قطر ، ونستريح هنا لثلاثة أيام تقريبا ، اليوم مساء ستطير بنا الدابة للدوحة .
كنت سأكمل ولكني مدعو للغداء ، أنا خارج الآن .
مو كل من لبست عباه…. وحطت الشيلة… يعني من عيال البلاد
ومو من كل لبس الغترة والعقال.. ينقال عنه ريّال
خخخخخخخ صح لسانج ختيه..
بس ابا اصحح شي غلط قلتيه ..
” عيال البلاد ”
لازم تكون ” بنت البلاد ”
وبعدين تعالي ليش مشتطة الريال ما قال شي ..
وبعدين اذا على طاري بنت وولد ..
ترى احينه حتى بنات البلاد مب محشمات الشيلة اللي على روسهن
ولا مسويات قيمة ولا اعتبار للعباة اللي على جتوفهن واجسامهن
يعني السالفة مب بس على المغربيات والعراقيات ترى المواطنات اخس
صحيح مب كلهم بس في فئة منهن ( فضل عنهن ما قابضات لهن مذهب مسودات الويه )
لا والله بنات البلاد محشومين ، ويكرمون
أنا قلت بأزياء تمويهية ، يعني يتبلدنون علينا بس مب من بنات البلاد واضح .
ما تمشي علي هالحركات
آنسة ملعقة من أشهر نشبت لي وحدة وأنا أطلع المصعد ودخلت معاي لين الغرفة وكان الصبي للحين يشيل الشنط ، وعلى العباية واللهجة تقول أنها من أبو ظبي وسارت دبي تتمشى وقصرت عليها الفلوس والحين تبين تسكن ويانا في نفس الفندق بس ما معاها غلا 600 وطالبين عليها 700 للغرفة ، قلت طيب جربي بطاقة الفيزا ، قالت ما عندي ، قلت من أبو ظبي ولا فلوس ولا فيزا ؟
قام المصري يضحك .
ومع السوالف قالت أووف البشكارة تنتظرني تحت !
قلت البشكاااارة ؟ البشكارة يا ظالمة ، ومن أي جنسية بشكارتج ؟ قالت اثيوبية بس بيضا شوي ، قالت أهاا الحين فهمت .
تعال تعال اخ عبدالله..
اي فندق واي اتمشى انته بلاك تخربط؟؟
وتعال شو سالفة البشكارة بعد ..
انا ما اظهر من البيت بليا شور اهلي هذا اول شي ثاني شي ما اظهر بدون اهلي يعني البشكارة حق شو محرم .. جي تتحرانا في السعودية امشي وراي بشكارتي .. لا انا امشي وياي اخوي ..
وبعدين لا تيلس تخرط وتشلخ اونه ييت اتمشى في دبي وما عندي فلوس الحمدالله ما عليه قاصر جان ابا ع قولتك عندي فلوس مب محتايه فلوس حد ..
وبعدين تعال ليييييييييييييييييييييييييييييييييييش تكذب اصلا انا متى شفتك والا شفتني ؟؟ ومتى اصلا صار هالخرط كله .. لا تيلس اطلع عليه اشاعات ..
وع طاري اني اشهر وحده نشبت لك ( خخخخخخ ) ..
ما يسوى عليك الظاهر اني طلعت روحك بسالفة المحادثه ..
بس كانت شاربني حفوووز وفضول ..
وكنت ابا اقرا المحادثه وافهم السالفة بث لا اكثر ولا اقل ..
وبعدين للمرة المليون قلت لك لا تقول انسة ملعقه ..
تعديل
[ كان ضاربني حفوز وفضول ]
قمت اخربط بالرمسة حتى ..
آنسة ملعقة المفهية
ركزي معاي شوي بليز
” آنسة ملعقة من أشهر نشبت لي وحدة وأنا أطلع المصعد ودخلت .. إلخ ”
اقرأيها بصيغة أخرى :
يا آنسة ملعقة : حدث لي من أشهر ( عدة شهور ) أني مرة كنت طالع المصعد ونشبت لي وحدة .. إلخ ، طبعا كانت تلابس عباية وتتقن اللهجة الإماراتية وتبي تقص علي ، لكن كان بينها وبين أهل الإمارات الحقيقيين مابين المشرق والمغرب .
هي قصة حقيقية حدثت لي ، أنتي مالك خص فيها ، بس كان اسمك للنداء لا أكثر .
مشكلة اللي يقروني بأحكام مسبقة وحفوز وفضول .
اهااااا قول جي من الاول..
وانا اتحرى ترمس عني خخخخ
يقهروووووووووووني المغربيات والعراقيات والسوريات اللي يسون جي فضل عنهن يلبسن عبي وشيل ورمسن لهن كم كلمة بالاماراتي يتحرن بيتزوجن مواطنين وبياخذن الجنسية مسودات الويه قهر قهر قهر .. خخخخ
خخخخخ مسوده الويه قالت لك انها من بوظبي .. جلع عيونها تبا توصخ عاصمتنا باشكالها ..
حرام عليه لا اروغهم من البلاد .. بس هاييل احينه مستقويات كل وحده فيهن قابضتلها مواطن يا مرابعتنه ( ربع بها يني ان شاء الله )
يا متزوجتنه..
واخ عبدالله للمرة المليون اكرر لا تقول ملعقه 8o|
اختي
من قال اني مشتطه عليه؟؟
بس اللي يبي يرسل كلام مو المفروض يعمم..
ولا ينسبه لاشخاص ثانين
وانا ما قلت الا وجهة نظري يالغاليه..
وبعدين عيب يالغاليه ترمسين عن خواتج..
اللي فاسدةالله يهديها.. وترا محد دخل الفساد في البلاد غير اللي ذكرتيهن قبل.. والستالايت.. والوازع الديني اللي غاب..
وبعدين انا ما خربطت لما قلت عيال البلاد.. وكل واحد حر برمسته.. وطريقة تعبيره.. ولا البنات ما يعتبرون عيال؟؟ ولا العيال خصوها لذكر الذكور؟؟
ولا لايكون اللي جدامي معلمة لغة عربية عامية وانا مادري :]
اسمحيلي .. بس انا ما وضعت رايي عشان اللي انتي او اي شخص ثاني يرد علي
كلامي كان موجه للاخ عبدالله..
واللي طنش تعليقي وتركه.. لين ما انتي تفضلتي ورديتي
انا لا مشتطة ولا شياته
بس كلمة الحق تنقال وما ينزعل منها..
ومن دق الباب لقى الجواب :)
والسموحة
واعذريني للمره الثانية اختي
بس انتي ترمسين عن الفساد الاخلاقي لبنت البلاد.. واللي اشوفه من ردودج على الاخ عبدالله شو اسميه؟؟
بس حبيت انبهج
ولا تنسين
يقول الله عز وجل:
{إذ يتلقى المتلقيان عن اليمين وعن الشمال قعيد ما يلفظ من قول إلا لديه رقيب عتيد} [ق:17-18].
في هذه الآية تذكير للمؤمنين برقابة الله عز وجل التي لا تتركه لحظة من اللحظات، ولا تغفل عنه في حال من الأحوال، حتى فيما يصدر عنه من أقوال، وما يخرج من فمه من كلمات؛ كل قول محسوب له أو عليه، وكل كلمة مرصودة في سجل أعماله: ما يلفظ من قول إلا لديه رقيب عتيد [ق:17-18]. يسجله الملكان في الدنيا ويوم القيامة ينكشف الحساب ويكون الجزاء .
وللامانه.. الشرح منقول
وانتي كنتي محتجة على ذكري للعباة ونسيتي ان الاخ عبدالله هو اللي خص هالشي
بقوله
خصوصا العبايات
وحبيت اني انبهه بخصوص هالموضوع.. عشان لما واحد ايي ويقرى كلامه.. ما يقول ان بناتنا وصلوا لهالدرجة من الانحطا وخاصة ان اغلب اللي يلبسن العباه هالايام مو بنات البلاد
اول شي قلتي لي عيب ارمس عن خواتي ..
انا ما قلت الا الصح ، والا انتن بس تنسبن الفسد والضياع للمغربيات والعراقيات ترى اذا في منهن مش ولابد من ناحيات اللبس والاخلاق..
ترى في البعض قمة في الاخلاق..
وبعدين ترى هالمغربيات والعراقيات بعد مسلمات يعني خواتي .. مب بس هالمواطنات.. وصدقيني اللي يقول لج المواطنات ما يسون جي تراهن يسون
وزياده بعد لكن انج تيلسين تقولين غيرهن يسون لكن هن لا الله يهديهن و
لا ترمسن عنهن فهني اسمحيلي .. انا ببدي راي في المواطنات وفي غيرهن..
يعني اذا مواطنة ع راسها ريشة لا ترمسون عنها؟؟
والله اذا يابت الرمسة لعمرها تتحمل ما بييها..
وع طاري التصحيح .. شوي شوي لا ينط لج عرج ..
انتي كنتي كاتبه [مو كل من لبست عباه…. وحطت الشيلة… يعني من عيال البلاد]
مو كل من لبست عباة انتي ترمسين عن البنات كيف اخر شي تكتبين عيال ؟؟
يعني بذمتج راكبه ؟؟
بسالج انتي ما تاخذين عربي ما تعرفين انه البنت مؤنث خخخ( اكيد مؤنث عيل مذكر)
وبعدين انا قلتها لج كتذكير وتصحيح مب عشان تشتطين وتنط عروجج والله حبيتي تقرين اقري ما تبين دقي راسج وين ما تبين..
وتعالي كيف معلمة لغة عربية عاميه !!!!!!!!
بذمتج هاي وين صارت معلمة لغة عربية عاميه .. قمتي تشككين بصراحه انتي من وين؟؟
حشى يا بوج اذا تصحيحي لجملة قلتيها خلاج تعصبين وتخبصين بالرمسة جي ما بقول لج شي ولا بعقب حتى على كلامج..
وبقول لج شي.. ترى الاخ عبدالله ما كان يرمس عن بنات البلاد لو تسيرين فوق وتقرين الرمسة اللي كان راد بها عليه بتعرفين انه كان يرمس عن وحده مغربية
او عراقية ما اعرف بصراحه المهم انها وحده مب من بنات البلاد المواطنات اللي خاقه فيهن كان يقصدن البنات الوافدات اللي يسون عمارهن مواطنات ويلبسن عبي وشيل ، حتى انه ذكر موقف صار له بالفندق مع وحده من هالفئة..
يعني لا تظلمين الريال ولا تعصبين ولا تسوين لي فيها وحده ما ترضة ع بنات البلاد افهمي السالفة عقبي ارمسي وعصبي ع راحتج بعد..
وبقولج شي دامج حطيتي رمستج في مكان الكل يقدر يقراها فلازم تتقبلين راي اي شخص يقراها .. دام انه من حقج تقولين رايج حتى نحن من حقنا نقول راينا .. واذا ما تبين حد يقرا رمستج ولا يعلق عليها طرشي له ردج في رسالة مب لازم تحطينه هني وتعرضينه للخلق كلهم دامج متضايجة ليش انه حد رد عليج..
والسموحه منج جاني ضايقتج ، والاكيد اني ضايقتج بس هذا راي وكيفج تتقبلينه او لا :)
لحظة لحظة ..
شو فيه كلامي ان شاء الله ؟؟
ليكون شفتي كلام غزل .. والا كلمات مش ولابد.؟؟
بعدين تعالي بتخبرج انتي تدافعين عن بنات البلاد كانهن ملائكة ما يغلطن ..
لعلمج نحن عندنا مصايب ما يعلم بها الا الرب ..
تدافعين عن بنات البلاد كانهن امرره ما يغلطن ولا يسون شي غلط ..
ترى حتى بنات البلاد يغلطن ويسون مصايب وفضايح .. بس هذا مب معناته ان كل البنات جي ترى في بنات قمة في الاخلاق ..
لكن من كل شي الصالح والطالح ..
ترى حتى المغربيات والعراقيات في منهن الطيبات اللي يكونن قمة في الاخلاق..
وفي بعضهن الله يهديهن ..
واذا تقولين انه اكثر البنات اللي يلبسن عبي هالايام مب مواطنات ترى هذا اكبر دليل منج انه بنات البلاد ما يلبسن عبي بمعنى اخر عقن الحيا صحيح مب الكل بس اكثرهن..
سيري مولات بوظبي ودبي وخصوصا دبي وشوفي المصايب ..
انا شفت بنتين مع اخوانهم شباب .. احلف لج انه الشيلة كانت على جتوفهن شو هاييلا مب من بنات البلاد ..
تراهن ينعرفن مب انه شي صعب ..
اشوف بنات اعرفهن والله ويوهنن ما تتشاهد من المكياج والا العباة والشيلة ..
ارمس عن شو واخلي شو ..
ما وصلنا لهالحال غير ضعف الايمان والفلوس الزايدة .. صح المغربيات والعراقيات افتحن مجال بس ترى مب هن الغلطانات ..
البنات لو يبن يضيعن ما بيترين حد بيسون اللي في راسهن حتى لو محد جدامهن..
والبنت اللي حافظة نفسها ومحطيه سمعتها اهم شي عندها مستحيل تسوي هالشي حتى لو كل من حولها ضايع ..
وترى في وااايد بنات بعد ما شاء الله عليهن الاق وادب ويلبسن عبي مب انهن عاقاتنها ..
بس بغيت اقول لج اذا ما ترضين ع بنات بلادج بعد لا ترضين عن المغربيات والعراقيات ترى اصابع ايدج مب سوا ..
ومن كل شي بتحصلين الصالح والطالع ..
وانا ما كان قصدي اذم بنات بلادي ..
بس كلمة الحق تنقال وتراهن مب ملائكة..
في الاخير هن بشر يغلطن ..
و اعذريني ع رمستيه..
تلاقطوا البنات بالشوَش .
إتز مي : لا ما طنشت ، قرأت رأيك وما شفت ضرورة للتعقيب ، بس هذا ربي عاقبج الحين وجاب لك واحدة ترد عن تعليقك وحتى التعليقات اللي ناوية تكتبينها بعد : )
اخ عبدالله ترجم ..
الجملة الاولى ما فهمتها..
ردي:
ربك عاقبها وطرشني ؟؟
شو قصدك؟؟
ياخي ساعات تييب لي احساس اني بلوة او مصيبة (شي من هذا القبيل)
وبعدين انا ما باكل البنت ولا بعضها او حتى بخوفها ..
هذا رايها وهي حرة بالتعبير عنه كيف ما بغت
وبعدين انا اقول راي ،مب اني افرضه عليها و هي كيفها تتقبله او لا في النهاية كل واحد وله طريقة تفكير مختلفة عن الثاني،يمكن هي راي شي وانا
راي شي ثاني..واظن من حق الجميع انه يقرا الرايين حتى لو مختلفين ..
واختلاف الراي لا يفسد للود قضية { مدري صح والا غلط خخخ }
كل هذا وتقولين شو قلتي
انا مابقول شي
اسلوبج كافي يشرح لنا انتي كيف
وانا ما دافعت عن بنات البلاد
ولا اني ضدهم
بس لو تعرفين الدين يقولج استري
مهما كان بيظل بلادج
ولا ني قلت ان الباقيات فاسدات كلنا في النهاية مسلمات
الحمدلله انا يوم ارمس اعرف وين احط الرمسة واثمنها عدل قبل لا اقطها مني والدرب
ومب انا اللي مشتطة.. شوفي منو اللي ردت باسلوب منحط وبعدين كلميني
ما توقعتها منج
بس يوم انج عارفه الفئة الشينه في البلاد وزين…. ما استغرب هالاسلوب
الله يهدي الجميع
والاخ عبدالله لما بيعينج محامية دفاع له ذيج الساعة دافعي عنه..
ويا اخ عبدالله.. انت تقول ربي عاقبني… وبلاني..
على شو؟؟ على كلمة الحق؟؟
انا كل اللي سويته عقبت رايي وكانت سطور لها الف معنى ومعنى
بس الاخت خذت المعنى اللي تبيه وتتركت الباقي
البلاد مثل الاسره
لو كان من طبعي اني افضح او اتكلم بسوء عن بنات بلادي.. (وانا ما تكلمت بسوء عن بنات اي بلد ثاني ولا خصيت بالذكر اي بلد.. انتي اللي خصيتي)
فهذا معناته اني انا بتلقيني اتكلم عن اهلي بسوء حتى لو كان واقع
لو اختج مثلا بنت سوء.. بتسيرين ترمسين عنها جدام الكل؟؟
ترا البلاد لو كنتي بنت البلاد صدق يعتبر عرض .. المفروض موقفج يكون دفاعي اكثر من انه يكون هجومي..
هذا في الدين
الا اذا كنتي تتبعين ديانة اهل الكريسمس وتفكيرهم فهذا برايج
وردي اقري كلامي عدل وشوفي منو اللي فينا خصت الثاني.. انا ما تكلمت انتي اللي يبتي طاري المغربيات في ردج.. وانا على حسب ردج قلت شوفي منو اللي مأثر على بنت البلاد..
يعني من عادتي دايما ما اطلع رمسة من عندي لكن ارد على حسب الجملة اللي تنقال لي.. وانتي طريتيهن وانا رديت عليج
الوازع الديني بالفعل ضاع… ولا ماكان بيكون هذا ردج علي.. وهذا اسلوب الحوار عندج… :)
انا تكلمت بكل روقان وبكل هدوء.. وللحين … كلامج ما هز فيني شعره ياختي.. انا كل اللي اقوله لوجه الله وبس.. بس مشكلة يوم الناس تجلب الرمسه وتفسر الامور على كيفها..
(ليس المؤمن بالطعان ولا اللعان ولا الفاحش البذيء) رواه الترمذي
(لا يؤمن احدكم حتى يحب لأخيه ما يحب لنفسه) متفق عليه
(إن الله لا ينظر الى أجسامكم ولا صوركم، ولكن ينظر إلى قلوبكم)رواه مسلم
(لا يستر عبد عبدا في الدنيا إلا ستره الله يوم القيامة)
أفضل المسلمين (من سلم المسلمون من يده ولسانه)
(لا يدخل الجنة نمام)
وانا حبيت اوجهج بالاسلوب اللي ترمسين فيه … بس الظاهر هذا طبعج.. وما ترومين تغيرينه…
لا تنسين ان عليج رقيب..
يشوف ويسمع اللي قاعد يصير
انا ما حبيت لما ييتي وجلبتي رمستي وفسرتي اللي انا قلته بطريقتج
واخ عبدالله… مشكووور
هذا اكبر دليل على انك مو قد المواجهة… ولا قدرت تعرف انا شو اقصد
لكن كلام الاخت خلاك تعتقد باللي هي اعتقدته سابقا
هذا وانت كاتب؟؟
شفتي شلون : )
بنات أختصر لكم الموضوع ؟
أنتوا هذارات بلا فائدة ، وتفتعلون الخلاف وهو أصلا ما فيه خلاف في الموضوع ، بس كل وحدة تبي يكون ردها هو الأخير من نوع الضربة القاضية .
الدفاع الأعمى عن المجتمع عصبية .
والهجوم الأعمى على المجتمع خيانة .
والعدل بينهما .
اكيد اللي يشوف عبدالله من البنات راح يعاكسه.. انك ياعبدالله وسيم والبنات يحبون الوسيم
بس تحملهم ..
وماوصيك في التواصل مع بعض اصحابك القداما ..امثالي :)
تحياتي
أسير : لا ترى يوم قابلتني ذاك اليوم ما كنت كاشخ بعد : )
هههههههههههاي00وربي ضحكت من قلب00من جد يتهاوشون00الحمدلله والشكر
هوووووووووووووووووووووووود
شو بلاكن يا بنيات على شو متهاوشات لا يكون على عوووووووووبد خخخخخخخخخخ تراه جيكر وما يخصه بالوسامة
عنبوكن كل هاي ضرابة على مقال عيل لو شفتو هالشي جدامكن شو بتسون
عبدالله ترا من جد قمت تزعلني منك
الحين واصل دبي ولا تخبرني على الأقل بعزمك على حسابك
المرة الجاية خبرني بطرش لك بشكارتي البلغارية اللي أمها من نيجيريا أوكيك
بنات بس خلاص مافي داعي للضراب و التفلع كلنا بنات بلاد و قمة في الحشمة و الوقار و الشيلة ما تطيح من الراس والعباة هب مخصرة والميك أب مب مثل لوحة بيكاسو و الشعر مب برج إيفل و الحيات هب محلقة والتاتو مجرد خطين عاليبهة وكل شي أوكيك