قالت الصورة
(1)
أحسن طريقة تحكم الأوباش
تلبس كذا : نظارة النجم البطولية
وتمشى الهوينى ماسك الرشاش
ومشعلٍ خلفك حريقة .
. . . .
(2)
لا تحسب اني قاسية
لا تظن مالي قلب
تعرف ثقافتنا مع الحيوان ،
ياخي عدّ نفسك كلب .
. . . .
(3)
خلاص يكفي ..
ما بقى في صدري الضيق تحمل للإهانة
أما انزل الرشاش عن وجهي الأبي
ولا فخلّص يا غبي
واطلق رصاصتك الجبانة .
. . .
(4)
يا ربي وش هالمنطق المقلوب
ليه آلطّخ الروح النقية
وش ذنب هذا الأعزل المستضعف المرعوب
قدام خشم البندقية ؟
كيف انسجم مع داخلي/ الإنسان
وانا اعيث في الأرض الفساد
واقتل أخي الإنسان .
. . . .
(5)
ياربي هالأرض "ضاقت" بي هموم وجراح ………………………………………….. .. وانتا خلقت السما وش " وسع" بيبانها
لو أني آصف يدّيني وينبت جناح ………………………………………….. .. واطير واترك لكم هالأرض واحزانها .
. . . .
(6)
بعييييد ..
خلوني هلي خلف الجبال اللي تشوف هنااااااااااك
من عمري ثلاث سنين ما اعرف غير لسعة عمتي
وابوي ما شفته ، يقال أنه توفي من زمان بعيد
بعيد ..
ما جربت لعبة غير هالتجوال ادور عن هلي
ما عشت في عمري ولا فرحة إلى هالحين واسمي عيد
. . . . .
(7)
مشكور ..
لو شباكك الحي اختنقت بظلمتي في الخندق المغمور
الروح هذا الخندق المظلم
وذكرى الغايبين النور
. . . . . .
(8)
لحظة ..
يقول الودع عنك ، شي ما ينقال .
تدري وش المكتوب فوق الشال ؟
لحظة شوي شوي ..
يقول اول شي :
تبغي لك مره من دونها رجال
ويقول ثاني شي :
مريم ميتة بس انت قلبك حي
ويقول .. اصبر هالحروف مبعثرة
اقووووووول :
بسك ثرثرة يا فاجرة ، تقرين حزني في العيون ويعني انك قارئة فنجال !
_______________________
(* الصور 5،6،7،8 بعدستـ/ ـي )
28 يناير 2009 @ 3:25 ص
مريت هنا
لليلتي هذي
7 نوفمبر 2009 @ 11:58 ص
قارئة الفنجال ؟
أيتها اللعينه :(
فعلا ولو صدقو !