|
الأحد, 03 مارس 2002 10:27 |
|
1-
كرسي ودفاية
وملابسٍ متناثرة
ودولاب مقلوبٍ على راسه
معاليقه شتات
واكياس أصلاً ما لها داعي
وكوم أوراق مرمية حوالي الباب
يمكن يوم جيت أقطها
ما فيه سلة مهملات
2-
ياربي
ليه آحس ضايق بي محلي
وآحس فيه اشباح تطلع لي شوي وتختفي
متى يطل الصبح والمذن ينادي للفلاح
ابي اغسل ذونبي
واصلي
وانطفي
3-
البرد يسري في عظامي
يمكن الشباك ما اتسكر عدل
أقول : الشرهة على اللي غشني
سـمّاك : دفاية
باقي شوي وأحضنك
والبرد يسري في عظامي
أقول : الله يلعنك !
4- لا وعد
لا صوت أحبه
لا بلاد ..
لا طيف شما
لو يجي لحظة ينور لي ظلامي
خذلني مثل الآخرين
ما غير البرد يسري في عظامي
ولا شريط الإسبرين
5-
هذا الغريب
بردان طول الوقت ما يدفى
وغريب طول الوقت
حتى غرفته منفى !
3/3/2002
عمـّان
|
